::

وبعـد هالمـوقفـ .. ظن أبو سامي اني احبهـ . وانـي خلاص تعلقـتـ فيـهـ وصارتـ اوقات دخولنـا لنتـ بنفس الوقتـ معـ بعض ..
وهذا مجمـل حوارنـا علـى المسـنـ :

أبو سامـي : هلا قلبـو
بقايا عشـق : هلا غلاي .. شلونكـ .. وش جديدكـ ؟؟
ابو سامي : تمام قلبـو . مافي جديد.. انتي متـى صحيتـي .. واكلتـي شيء او لا .. <<يحاولـ يثبـتـ لي حبهـ واهتمامـهـ
بقايا عشق : الحمدللهـ
ابوسامي : لولو .. ابسألكـ سؤال تجاوبينـي بصراحـة ..
بقايا عشق :اكيد اسألـ ..
ابوسامي : أنتـي تحبينـي ؟؟!
بقايا عشق : أنا اعزكـ واعتبركـ مثل اخوي . وكصديقـ عزيـز.. بالاول ظنيت اني احبكـ .. بس الحين عـاديـ .. مشاعر اعجـاب واهتمام لا اكثر ولا اقـل !
ابو سامي: اهـا .. طيب .. انتي تعرفيـن شنو وظيفتي ؟
بقايا عشق : لا واللـه .. شنو
ابو سامي : انا طبيب نفسي .. بمستشفى(...)
بقايا عشق : تدريـ انا احب علمـ النفس .. ونفسيـ تعلمنيـ حبهـ حبـهـ ..
ابوسامي : ااوكي قلـبو .. راح اعطيكـ الطرقـ .. وبعطيكـ رابط تحاولينـ تتعلمينـ منـ هالاطبـاء!!
بقايا عشق : طيب حلوو .. ودشيتـ موقع نفسانيـ ..<< كانـ الموقـعـ مميـز .. وقديـر بالتعليمـ
ابوسامي: ممكن طلب ثانيـ؟
بقايا عشـقـ: هلا
ابوسامي:امانه ركزي بدراستك . انتي بنت مميزهـ!
بقايا عشق : من عيوني ..
وبجد .. انـا بديتـ اركـز بدراستي ..
..

أستمـر الوضـعـ على هذا المـوالـ .. ندش بنفس الوقتـ ويعلمنـيـ ونسولفـ وندردشـ ..
مازالـ وقتهـا عمـريـ 17 سنـهـ .. كنت أدرس بمدرسة خاصهـ منـ المتوسطـة
مختلـط شبابـ وبناتـ .انا كنت بالصف الثاني الثانـويـ .. الا انـ ماكـانـ تفكيـريـ بالشبـابـ وبالحب..لكـنـ كنتـ معروفـهـ بمدرستيـ طالبـهـ مثاليـهـ من كل النواحـيـ ..

واستلمتـ كافضـل طالبـة مثاليـة بثلاثـ جوائز وشهادات تقدير .. 2 مـنـ المديـر .. و1 مـن معلمتـيـ ( أستاذهـ ... البلوشـيـ )صحيـحـ ما كنـتـ الاولـى بالدرجـاتـ في الصف الثاني الثانونيـ .. الا انـيـ كنتـ الثالثهـ!!

.. أمـا بالصـفـ : كنـا تقريبـا حسبـ تذكـريـ 7 بنـاتـ و9 شبـابـ .. ولا كان بينـا اي مشاحنـاتـ او هواشـ بسـ كانـ فيـه واحد يحب وحدهـ من شلتنـا اسمهـا طيـفـ ..

 انا شخصيا كنتـ ما احبهـا .. لأنـ كنـتـ اكرهـ الشابـ الليـ تحبـهـ .. هو اكثر واحد من الشبـابـ حاقد علـي .. ليش مادريـ!!

وبيـومـ منـ الايـامـ .. كنتـ بالمسنـ ودش علي ابو سامـيـ :
ابو سامي: مساء الورد
بقايا عشق: مساء النـور
ابوسامي : شخباركـ ..
<< استمرينـا تقريبـا 5 او 6 دقايقـ نسأل عن بعض ونطمـمـ على بعـض !!
بقايا عشق : ابوسامي ,, ابسألكـ سؤال وجاوبنـيـ عليهـ حسبـ ما بقولكـ ..
بقايا عشق : فيـهـ واحد عندي بالصـفـ اسمـهـ سيفـ .. والاحظ انهـ يكرهنـي وحاقـد عليـ ..
ابوسامي : وكيف وضحيلي..
بقايا عشق : يعني احيـانـا لما اجاوبـ .. يضحكـ .. ولمـا يكونـ عندنا امتحـانـ ونقعد كلنـا نصححـ الامتحـانـ .. يقولـ اجبتكـ خطأ ..
حتى لو كـانـتـ صحيحـهـ .. أو أحيانـ اذا شافنيـ مع البنتـ اللي يحبهـا يناديهـا ويقولهـا شيء وترجـعـ ولا تكلمنـيـ !!
ابو سامي: يمكنـ معجـبـ فيكـ ..
بقايا عشق : كلـ هذا ومعجب فينـيـ .. مستحيـلـ
.. المهـمـ .. طلعتـ من المسـنـ وقعدتـ افكـر لينـ الفجـر ..
.. وبلا جـوابـ مقنـعـ ..

.. هذا الكـلامـ كانـ صاير بشهر 9 /2003
المهمـ .. علـى الباكـر .. بالفسحـة .. كنتـ قاعدهـ تحـتـ اسولفـ مع صديقاتي مريمـ وفطـومـ وطيفـ
ولا حسينـا بشيء الا بشانيـ ينسكـبـ فوقنـا .. تسبحنا بمطـر احمـر (ههههههههههههه) ..
رفعنـا راسنـا فوقـ ولا شفنـا احد ..
تأكدتـ انها حركة سيفـ .. مافيـ غيرهـ ,,
طلعنـا فوقـ بالطابقـ الثانيـ .. وشفناهـ قاعد مع واحد اسمهـ محمد ..
قلتـ لهـم: منو اللي سكبـ الشاني علينـا ..
قال: محمد ,, عندكم مانـع
قلتـ له : لا ماعندنا مانـعـ .. بس عندنا حركة انذل من حركتكـمـ
وقعد سيف يضحكـ بصوتـ عالــيـ
قالـ : انقلعيـ بسـ
.. رحنـا الصفـ .. وربي مزقتـ صفحـة واجـبـ الكيميـاء .. لأنـ كانـ طويلـ مرهـ .. وماراح يلحقـ يكتبهـ
.. ومن القهـر الليـ فينـيـ ماجاء الاستاذ ..
.. أستمـر الوضـعـ كذا ..

كـل مانتهـاوشـ انا وهو..
ادشـ النتـ وافضفـضـ لأبـو ساميـ عنـ الهـواش .. ومن جد ابـوسامـي كان يهتم لأمـريـ ومعتبرنـي صديقتـه .. الا انه اهو مايقولي شيء عن حياته الشخصيـة!
..
وبتـاريـخـ 4/12/2003 بيـومـ الخميسـ .. الساعـة 9 صباحـا تقريبـا

..اختـيـ وفاء : لولو اصحيـ تلفـونـ .. احد داقـ يبغاكـيـ
بقايا عشـق: اوكـيـ .. اغلقـي السماعة من تحـتـ .. انا برد منـ هنـأ
رفعتـ السماعـة ..
بقايا عشق: الو
سيف: كـلـ عامـ وانتـيـ بألف خيـر

بقايا عشق : كيفـ عرفتـ يومـ ميلاديـ .. وبعدينـ شو قلتـ حقـ اختيـ عشانـ تكلمنـيـ؟
سيف: عـادي .. قلتـ لهـا انـ علينـا امتحـانـ وانكـ ما تعرفيـنـ
بقايا عشـق: طيب وعيـد ميلاديـ
سيف: لاتنسيـنـ أنـ ملفاتـ كل الطلابـ عنديـ ..
سيف: طيب .. ابغاكـ بموضوعـ يومـ السبتـ .. ضروريـ بليـز
بقايا عشـق : طيب .. بس كيف ووينـ ؟
سيف عـاديـ بعطيكـ هديه ميلادكـ .. بليز اقبليهـا مني ..
بقايا عشق : أوكـي .. بسـ أنتـ مو تحـب طيف ..أخاف تدري وتضايقـ مني؟
سيف: لا انا وطيف اصلا اصدقاء .. مبـ حبايـب .. بس أهـيـ تظـنـ اني احبهـا
بقايا عشـق: يعنـي تلعب عليهـا
سيف : لا حشـى ,, بس بتكلم بهالمـوضوعـ بوقتـ ثانيـ
بقايا عشق: أوكـي . مع السلامـة
سيف: يوم السبـتـ أنتظـركـ بفارغ الصبـرر!!


.. وأولـ ماغلقتـ مـنـ عندهـ قعدتـ افكـر في شنو يبغانـيـ .. وانا بقلبـي حرارهـ،!!

.

يـومـ السبتـ : الموافق: 14/12/2003

.. خلصنـا طابـور الصبااحـ ..
.. ارسلتـ لهـ ورقـة بالصفـ .. ( سيـف هذا يوم السبتـ وش الموضوعـ .. غير مووضوع الهديه)
ولا رد عليـ بأيـ شيء ,, مرتـ 4 حصص وانا انتظـر ..
دقـ جرس الفسحـة .. وصلتنـي ورقـة منـهـ ..
( روحـيـ خلف المدرسـة ,, ابغاكـ بسرعـة ..)
.. رحتـ خلف المدرسـة .. وأنا انتظـرهـ ..وجاء بعد 5 دقايقـ تقريبـا .. وشفتـ مافيـ شيء بيدهـقلتـ وش السالفـة .. قاليـ : غمضي عينكـ
غمضـتـ .. ضمنــــــــــــــيـ على صدرهـ بقوووهـ .. منـ الهدشـة .. قسم بالله بكيـتـ .. ياااااااانااسـ انا ماحضنـيـ احد .. امي وابوي ماعمرهم ضموني على صدرهـمـ ,,
يانااااااااس معقـولـ فيـهـ بهالدنيـا أحد يضمني علـى صدرهـ بكـل راحـة!!
.. فجأهـ ..
أنسحبـ مـنـ بين ذراعيـ ..
ررررراااح .. ودهشتـيـ مازلتـ موجوهـ .. وانا قاعدهـ اشمشـمـ ريحـة بقايا حضنـهـ على صدريـ المس اجزاء جسميـ اللي مرتـ عليهـا يدهـ!!
.. مرتـ حصـة كاملهـ وانا قاعدهـ بنفس المكـانـ
.. دقت جرسـ الحصـة السادسـة ..
رجعتـ الصفـ .. وفينـيـ خجـلـ .. دشيتـ الصفـ ومب قادرهـ احط عينـيـ بعينـة !!
انتهـى هاليـومـ .. بشيء جديد .. واحداثـ جديدهـ ..
الا انـيـ مالقيـتـ بليلـ أبو سامي صندوقـ اسراريـ عشانـ ارويـ لهـ اللـي صار ..بالرغـمـ مـنـ كذا ..

 خصصتـ دفتـر خاصـ ليـ ارويـ فيـهـ احداثـ حياتيـ .. كنت احاولـ اكتب فيه التفاصيلـ بالساعاتـ والايامـ والاشهر والسنـواتـ

المهمـ .. صرتـ كل يـومـ اولـ ما ادشـ الصـفـ أحاولـ اشوفـهـ .. واراسلـة بالاوراقـ .. واطمـنـ عليـهـ ..

بحكـمـ انهـ ممنـوعـ بنتـ وولـد يجلسـونـ على انفراد ..فيـ مدرستنـا الا عشان دراسـة!

.. كنـتـ اشـوفـ طيفـ تكلمهـ كل يوم بالصـفـ .. بسـ كانـوا كل شبابـ الصفـ يعرفـونـ انهـ مهتمـ لأمـريـ وانه يراقبـ كل تصرفاتـي وحركاتـيـ !!
.. أنتهـت الدراسة بالصفـ الثاني ثانـويـ وانـا وهـو مثلـ شخصيـنـ يرقبـونـ بعضـ من بعيـد لبعيـد ! .. عاجزيـنـ عنـ التعبيـر .. عاجزيـنـ بكـل الطرقـ!!


.. وجاتـ الاجـازهـ لعامـ 2004 ..
أنا بمناسبـة حصوليـ بالمرتبـ الثانـيـ ومجمـوعـيـ كانـ ممتـاز .. أخويـ سلطـانـ اهدانيـ جوال ..

 كان اخوي سلطان يحبنـي وايد ويحـاولـ يرضيني بأي طريقـة معتبرني القدوة في البيت من بعدهـ .. كان يدللنـي اكثر من خواتي الصغاار!
..أولـ شيء سويتـهـ خزنتـ رقمـ جوالـهـ ..
ورسلتـ لهـ مسج ( أحبـكـ بجنـونـ ) ..
رد علي ( امنو وياي ) ..
رديتـ عليهـ ( عاشـقـة سيف ) ..
ودق علي ( قالـي متى فتحتـيـ جوالـ)..
قلت له اليـومـ ..
قالي .. ( بدقـ عليكـ بليلـ ) أنتظرينـيـ
.. جاتـ الساعـة 9 بليـل ..
دشيتـ النتـ .. ورسلتـ ع ايميلـ ابو سامـيـ ,, وش الليـ صار ..لانـ ما كان موجود ..!! بعدهـا نزلتـ اقعد عند اهليـ ..

وقالت لي امي اليوم بنـروحـ عرسـ بنتـ عمكـمـ ندى ,, قلتـ لهـا (يمه انا احس بصداعـ قويـ .. انا بكرا بروح اسلمـ عليهـا .. انتوا روحوا اليـومـ ..

قالتـ ليـ امي طيب.. بس اذا حسيتي بتعـبـ دقي على اخوكـ أو أبـوكـ
قلت لهـا : اوكـي
قالت لي : أذا حسيتيـ بتعبـ دقيـ على اخوكـ او ابـوكـ

::

المهمـ .. أول ما راحـوا أمي وخواتـي .. دقيتـ عليـه ..
بقايا عشق: هلا حبيبـي .. شخبـاركـ .؟
سيـف : تمـامـ حبيبتـي .. وين الغيبـة يا عمريـ
بقايا عشـق :انت عارف انـ ماكـانـ عنديـ جهـاز .. ورقمكـ بزور لقيتـه ..
تدري أنيـ وايـد مشـاقة لكـ .. وحاسة نفسيـ كأني فاقـدهـ شيء ثميـنـ بحياتيـ..
سيف : وامنـو هذا الشيء الثمين
بقايا عشق /: طبعا انتـ حبيبـي
سيـف : هالكثر تحبينـي؟
بقايا عشق : واكثـر .. تدريـ شكثـر احبـكـ .. ماراح تصـدقـ !!
سيف : لا بصـدقـ لاني واثقـ
بقايا عشـق: كثـر الحـروفـ الليـ انكتبتـ على هالارض!!
سيـف : بليـز لولو ,, بطلب طلب لا تردينـيـ
بقايا عشق : انتـ تطلب عيونـيـ
سيف: انتـيـ عارفه أنهـ مر شهر كـامـل وماشفتكـ ولا شفتينـيـ .. وانا محتاج اشوفكـ .. بليـز حاولـ ترتبـيـ لنا يومـ نطلعـ فيهـ بليـز تكفيـنـ ..
بقايا عشق : .. لا لا لا ماقدر .. أخـافـ .. انا عمـريـ ماسويتـ هالحـركاتـ أخاف احد يدريـ .. وربي بيذبحونيـ اهلـيـ !!
سيف: طيب خلاص مابغى شيء .. تصبحينـ على خيـر
بقايا عشـق : حبيبـي لاتزعل بليـز .. بفكـر وبرد عليكـ ..
سيف: هيـه تكفينـ حاولـيـ عشانـ سوسو حبيبـكـ .. وحشتنـيـ عيونكـ وشفايفكـ .. مشتاق لعنادكـ ودلعكـ ..
بقايا عشق : اوكـيـ .. بحـاولـ بس لاتضغط علـي .. اذا قدرتـ
سيف : احبـــــــــــــــــكـ
بقايا عشق : مـــــــوتـ
.. اهـو كان يقـولـ احبـكـ وانا دايمـ اقول مـوتـ
كأنـ انا واهو نقول كلمـة ( احبـكـ موتـ )
كـان يقوليـ انا وانتـيـ واحـد !!

::

المـهمـ .. جاتـ الساعـة وحدة بليـلـ واهلـيـ رجعـوا من العـرس .. ومنـ التعب نامـوا كلهمـ ..

 ولمـا جاتـ الساعـة 2 وحسيتـ ان الوضـعـ مناسب أني اطلـعـ .. دقيتـ عليـه ..وقاليـ طيب دقايقـ واجـيـ !!
ولمـا وصلـ .. قلتـ له راحـ اطلعـ من البـاب الخلفـيـ بس لا تحط احد ينتبـهـ لكـ ..
.. وأنا لبستـ وطلعتـ .. دخلتـ وياهـ السيـارهـ..
قالي: بأمانهـ مشتاقة لي ..
قلت لهـ : اكثـر ممـا تتصـور ..
وقعدنـا نسولفـ عن الاجـازهـ وعنـ الامـاكن وطلعاتنـا بالاجـازهـ .. وكـان يدهـ بيديـ !! .. تقريبـا قعدتـ وياهـ نص ساعـة ..

قلتـ له قبل ما اطلـع الحيـنـ ابسألكـ سؤال : طيف شنو تعنيلكـ ؟؟ وانت وهي للحيـنـ مع بعض ؟
قالي: انا وطيـفـ علاقتنـا منقطعـة .. وماصارتـ بينـا رسايلـ ولا حتى كلامـ!! ..
قلت له : اوكي انا بطلـع الحينـ اخاف اهلـي يحسـونـ !!
قالي: لولو أنا احبـكـ .. بليز لا تضايقـينـ اذا كنت جبرتكـ تطلعيـنـ معـايـ !! .. بس ابيـكـ تدريـنـ اني اعشقكـ تفهميـنـ شنو يعني اعشـقكـ ..!!
.. قالي: لولو حبيبتـيـ .. غمضي شوي ..
قلتـ لهـ .. تبغى تحضنـيـ .. بليز لا تسويهـا !!
قاليـ : واللـه لا ..
وغمضتـ عينـيـ ..
وماحسيتـ الا شفايفـة حاطهـمـ بشفايفـي!!
.. ابعدتهـ وطلعتـ من السيارهـ ..
.. واول ما دشيتـ غرفتـيـ ردت روحـي .. لان كنت خايفـة احد يشوفنـيـ .. وكان يدق علي : لانـي طلعت معصبـة
تقريبـا لقيتـ فوقـ 13 مكالمـة ..وجهازي صامت ..
رسلتـ لهـ مسج .. ( انا ما توقعتـكـ بتسوي هالحـركاتـ البايخـة )
دق علي: ورديتـ .. قلت له خيـر ..
قاليـ : بليـز لا تزعلينـ .. وامسحيهـا بوجهـي وانسيـ !! .. قلتـ له وعد اخر مرهـ .. قالي: اوكـيـ .. يلا الحينـ روحـيـ ارتاحـي
.. صرنا كـل اسبـوعـ نطلـعـ .. بنفس المكـانـ .. وبأخر الليـلـ ..وكانتـ مقابلاتنـا عاديـة كباقي المقابلاتـ ممزوجـة بالحب والسوالف والرومنسيـة .. ..
ونهايـة شهـر 8/2004 ..
كنتـ طالعـة وياهـ ..وانا وراجعة من عندهـ ودشيتـ من الباب اللي وراء .. وما اشوف الا والشغـالـة تقولـيـ بقول حق امكـ !! ..

معقولـة انتـي تطلعيـنـ اخر الليـل ( لان هذه الشغالـة من 6 سنواتـ واهيـ تشتغل ويانـا وربتنـا بعد اميـ )!!
.. قلتـ لهـا تكفيـنـ لا .. الله يخيلكـ لا تقوليـنـ لاحد
قالتـ خلاص ماراح اقول .. بس اخر مرهـ ..
قلت لهـا : اخر مرهـ بس لا تخبريـن احد بليزز!
..
المهمـ .. انا كلـ ما كان يقولـيـ كنت اقولـهـ ماقدر اطلـعـ !!
.. وكـانـ يقولـيـ اهم شيء راحتكـ حبيبتي .. بس اذا جاء وقتـ مناسب قوليلي ..
.. بدأ العـامـ الجديد .. وكـانـ عمـريـ 18 سنـة .. دشيتـ الثانـويـة العـامـة ..
صحيـحـ كنـا مانقدر نتقد مع بعـضـ بالمدرسـة .. بس كنـا نسولـفـ بليـل بالجـوالـ ..
كـانـ يسولفلـيـ عنـهـ ..
وفيهـ مرهـ رسليـ شيء .. حطه بشنطـة المدرسـة .. ( سلسلـة عليهـا نص قلبـ )
وكتب لـي .. النص معـاي .. واذا صار لي شيء .. ابيـكـ ترميـنـ السلسـال .. لانـ مافي نص قلبـ يقدر يعيـشـ بدونـ نصفـة الثانـي!!
.. وكتب لـيـ ( أحبــــــــكـ كثــر الحـروف اللي انكتبتـ علـى الارض )
..
.. أول ما قريتـ كلامـة اذا صار ليـ شيء .. قعدت احاتيـ وشكيتـ انـهـ فيـة شيء !! ..ودقيت عليـه .. سيف امانه شفيـكـ ..

 تكفـى قولـي .. قلبـي يقول ان فيـكـ شيء .. قالي: حبيبتـي انا مافينـيـ شيء .. بس بسافر شهـر الهنـد ..وقتهـا من جد طاح قلبـيـ ,,

قعدتـ ابكـيـ .. انتـ فيـكـ شيء بس مخبي عليـ .. سيـفـ .. ابوس رجولكـ تكفـى وغلاتي عندكـ قوليـ فيـكـ ..
.. سيف/: حبيبتـي صدقينـيـ مافينـيـ شيء ..بسـ عنـديـ كسر بالانـفـ من لما كنت صغيـر .. والحين لازم اسوي عمليـه ..
قلت له : طيب ومتـى بتروح .. بقعد ترى احاتيكـ ..
قالي: بكـرا ,,
قلتـ لـهـ .. وليش ماقلتـ لـيـ ,,
قاليـ : كاني قلت لـكـ
.. قلتـ لهـ : تقدر تجيـ الحيـنـ ..
قالـي : ليش
قلت لهـ تكفـى تعـالـ ,, ابيـكـ
.. قالـي: طيب .. دقايـقـ واجيـ ..
.. وجاء .. وقالي انتظـركـ برا ..
.. كانت الشغالـة مب نايمة .. رحت لهـا .. وعطيتهـا 100 درهم .. قلت لهـا بطلعـ 10 دقايق وبرجـع ..

اخذيهمـ بس لاتخبريـنـ ,, لازمـ اطلـع .. المهمـ اهيـ ماقالتـ لا ,, اخذتهم وراحت غرفتهـا..
طلعتـ وياهـ ..
اولـ مادشيتـ .. حضنتـهـ وبيـكت .. قلت له تكفـى سيف لاتتكرنـي بروحـي محتاجـة لكـ ..
ضمني بقـووووووووووووووهـ .. وانا اكثـررررر حبيبتـــي .. انا احبـكـ ,, بس اللـه يخيلكـ امانه انتبهـي لنفسكـ واكلي زينـ ..

 ولا تفكـري كثيـر .. ولاتنسيـنـ ان فيـهـ واحد اسمـة سيف يحبـكـ .. يحبـــــــــــــــــــــــــــــــــــــــــــــــ ـــــــــكـ.. ومجنـــــــــــونـ بحبــــــكـ ..
.. قلتـ له : ابعطيـكـ شيء .. واحتفظ فيـه .. عشان تحس اني معكـ .. عطيتـهـ بلوزهـ ليـ .. قلتـ له ابيكـ تشمـ ريحتي قبـل ما تنـامـ واولـ ما تصحـى .. امانهـ احضنهـا واحتفظ فيهـأ !!
.. قالي : يابعـد كل انفاسي.. اوعدكـ بسوي اللي تقوليـنـ عنه ..
.. قلتـ له : امانه طمني عليكـ اول ما تخلص !! ( احبــــــــكـ )
قالي: مــوـتـ
وقبـل ما اطلـعـ : اخذتـ منـه شماغـهـ .. قلت له ابغى احتفظ فيهـ
.. قالي: سيـف كلـه فدوهـ لكـ .. لو تاخذينـ قلبـه راح يعطيـكـ ..

::
مضـوا الاسبوعيـنـ .. وانا بدراستـيـ مب قادرهـ اركـز ولا حتـى باكلـي ولا بنومـيـ .. كنتـ ادش النت وافضفض لابوسامي ..
كان يقولي : خايفـ يكون يحبـكـ لشيء ثاني ..
قلتـ له : شلون لشيء ثاني
قالي: مو مهمـ .. بس انتهبـي منـهـ
قالتـ له : بجد وضح لي
قالي: مادري كل الشباب كذا
قلتـ لهـ ,. سيـــــفـ غير !!
وطلعــتـ
وقبـل ما انام كـل يوم كنت اتغطى بشماغـة وابوسـة .. بس لما اصحى ادخله بالدولاب!!
..
المهمـ ..
بعـد اسبوعيـنـ رجـعـ .. وصرتـ اطلـع وياهـ .. وقبـلـ ما اطلـعـ ادفـعـ حق الشغـالة عشانـ تستر علي .. كل مرهـ ادفع لهـا مبلغـ ..

 لدرجـة انهـا مرهـ رفضت تاخذ .. قالت خلاص انتي لازم اقولـهمـ عنكـ ..
قلتـ لهـا .. تبغيـنـ 500درهم بعطيكـ بس بليز ابطلع وياهـ !! ,, واخذتهمـ .. بس تقريبـا استمريت ادفع وادفع وادفع

.. مافي احد سواهـا !!!!!!!!!! يمكن المبلغ اللي دفعتـه لشغاله بس عشان ما تقول لأحد اكثر من 4000 درهـم .. عاد احسبـوا عدد طلعاتـي وياهـ ..!! .

. كنـتـ احبــهـ بجنـونـ واسوي أي شيء عشانـهـ .. رومنسيتـه عجيبـه بمعنـى الكلمـة .. وقتـ ضعفـي ما القى احد الا اهو جنبي يحميني بحنانـه .

. ما القى الا صدرهـ يضمنـيـ .. ما القى صوته بأذنـي قبـل ما انـامـ
.. ما انام الا وانـا اسمـعـ صوته .. واول ما افتح عينـيـ قبل ما اصحى م السـرير اسمع صوتـهـ
بكـل لحظة موجـود بحياتي ..
ما اطلـع الا وانا استأذنـ منـه .. حتى فيـه قلتـ له بروحـ بيتـ احد من اقاربنـا ورفـض .. وانا سمعت كلامـه وقلت لاهلي مابروح .

. بالرغم من انـهـ كانـ ولد خـالتي مريضـ بالسرطـانـ وشفى م المرض ..

 واهو رفض اروح ازورهـ !!واهـو نفس الشيء ما حطه يطلع بدون اذن مني او حتـى بدون ما يقولي وين رايـحـ ومتى بيـرجـع!!
..
ومرتـ الايـامـ وصرنـا بشهـر 4/2005مـ

بعـد فتـرهـ عطانيـ 3 سيدياتـ .. قالي لاتفتحينهـمـ ..الا لما تكـونيـنـ بروحكـ وبأخر الليـل .. واذا شفتهيـمـ ما تجيـنـ تقوليلي شو شفتيـ او تناقشيني بالموضوع ..!!
بس حطيهم معكـ .. وخـلاصـ ..

::

انا عبـالي سيديات عاديـه او فلـمـ اجنبي او اي شيء .. المهمـ ,, حطيتهمـ بغرفـة الحاسـوبـ ..

 وبنفس اليـومـ كان جاي اخوي سلطـانـ .. واستخدم الجهااز ..
وجاء يدق غرفنـا انا ووفاء اختيـ .. وربي شوي وبيكسـر البـابـ .. فتحت وفااء وانا خفت افتح .. الا ان كنـا مب عارفيـنـ وش السالفـة !!
وقالهـا لهـا : هذولاء السيديات حقكـ .. قالت لا :ليش
صفعهـا وراحـ .. وجاء غرفتـي انـا !!
واميـ خافتـ وجاتـ شفيكـمـ وش صاااير .. فتحت لهـ البـابـ .. قاليـ هالسيديات لكـ .. قلتـ له ايه وش صاير .. مافيهم شيء !!
دش الغرفـة .. قسم باللــه غلق البــابـ وذبحنـــــيـ من الطق .. تفهمـونـ شو يعني ذبحني من الطـقـ .. وطلعـ .. وربي ماكنت قادرهـ اوقف من الطق ..
.. مـنـ يومهـا وانا واهو صرنـا ما نتكلـمـ .. بغيتـ اعرف وش فيهـمـ بس ماعرفتـ وبعدهـا عرفتـ وش فيهمـ ..

 قلتـ لو فيهم شيء عاديـ كان اخوي ماسوي هالشيء ..

.. المهمـ .. اخوي سلطـانـ سحب مني الجـوال .. بس ماقال لاحد وش السالفـة اللي بينـا ولا حتـى قال لامـيـ .. وامي شكتـ انه فيـهـ شيء صاير ..
واخوي سلطـانـ صار ما يكلمنـيـ
,,!!وكل ما شافنـي يحاول يتجنبـني .. وانانفس الشي ( معقـول هذا سلطان اللي كان مايسمـع كلام احد الا انـا .. معقول هذا سلطـانـ اللي يحبنـي ويحترمنـي اكثر وحدهـ في البيـتـ !!

( لمـ انتهـي بعد .. تفاصيـل الجزء الثالثـ مازلتـ مؤلمـة )


::
أنتظــروا تفاصيــل الجـزء الثالثـ