بالله شوفـوا سبب الضرب ..
اقتباس:
يقولون اللواء ركن "أبو عمشاء" اللي هو السوبرفايزر
حق الهمج السكيروتيه .. قال للمذيع ضف عفشك
واطلع من هالملعب قبل ما اعضك
المذيع رد عليه وفقا لقوانين الملعب وكشف له ان الآرت
وبحكم انها شرت الحقوق لها الأولوية في دخول اي مكان
فجاه الرد بالحرف الواحد وكما ذكرت الصحف اليوم
وقال له " النظام هنا نظامي وتسمع كلامي إنت وياه "..
ولما المذيع حاول يعاند ويقوم بواجبه الإعلامي
قام اللواء ركن بمطاردة المذيع المسكين وطلب من عصابته انهم يمسحون به ارض الملعب .. وهم عاد ما صدقوا خبر واساسا ما يدرون وش السالفة بس عاد صايرين مثل كلاب الحراسة لما تفكهم على احد وتقول
لها "GOOOO" فهي عز الله تبي تفترس ضحيتها بدون ما تسأل ..
عموما يقولون ان راعي الخطط العلمية المدروسة ما عجبه اللي صار .. وهاليومين نشوف وش المفاجأة اللي
تبي تطلع من ورا هالحادثة المؤسفة ..
طبعا النمشان يبي يفلت زي الشعرة من العجين
مشاكله كثير ولا احد يقول له شي ..
الظاهر ماسك عليهم صور !! |
اقتباس:
السالفة ومافيها ..
ان اي اعلامي ممنوع انه يسوي أي مقابلة تلفزيونيه على المعشّب (اللي هو العشب أو الثيّل) وأخونا في الله كان بيسوي مقابلته على المعشب .. ورفض السيكورتي ..
قال له مذيع Art حنا شارين حقوق البث لذا مسموح لي اسوي لقاءات هناك
قال له السيكورتي انتم شريتوا حقوق البث ما شريتوا الملعب
قال له المذيع الا شارين المباريات والملعب وانت معهن
هنا طرطع السيكورتي ..
هذا هو اللي صاير بالضبط ..
صح ان طريقة التصرف همجية .. بس برضوا طريقة كلام المذيع همجيه
|
عذر اقبح من ذنب
يعني الرجال لا سبه في عرضه ولا شتمه مجرد كلام عادي يمكن بعد السكيورتي قالها بأسلوب مستفز
في جميع الأحوال
مايحق له الأعتداء بالضرب اجل وش له صار سيكورتي وامن علشان يمنع مثل هالأمورر يقوم هو يسويها
الحمد لله والشكر عندنا تخلف في كل شئ
السيكورتي هذا سيكورتي حواري صراحه مايفنع يطلع قدام العالم هذولا همج يفشلوون والله