مارأيك بهذه الظاهره..؟
شوفي بصراحه اول ماطلعو كانو يعجبوني اشكالهم وحركاتهم بس بعدين حسيت اني سخيفه وانا احط صورهم لاني بجد لما كنت احطها كنت احس بقلق ما ادري ليش اصلن تحسي اشكالهم مو طبيعيه تحسي انو في شي غريب فيهم مو صاحين
ولا في احد يحط حلق في فمو ولا عينو ...
هل تتوقع انتشارها في المجتمع ..؟ او هي مقتصره على الانترنت فقط..؟
لا ما توقع انها تنتشر عندنا لانها مو داك الشي الووااااو بصراحه اتوقعها بس في النت لانو بجد مافيهم شي حلو عشان نسوي زيهم ملابسهم عاديه جنزات وتيشرتات اللهم الي تفرق الشخبطه والخرابيط الي يحطوها في التيشرت هادي الي من جد مميزه ولا غير كدا مو حلو لا شعورهم ولا اشكالهم حتى
ماهي سلبياتها على المجتمع لو انتشرت..؟
سلبياتها انو الشخص نفسو راح يعيش صراع في نفسو
وراح يحس بقلق وهوا يسو كدا ولو اتمسك بيها مستحيل يطلع منها بسهوله
تاني شي بتكون اشكال بناتنا واولادنا تخوووووووووف
هل اصبحنا نتبع الغرب ولا نعرف ماهو الهدف او المغزى من هذا التغير..؟
ايوه مررررررررررررررررره ايوه صرنا نقلدهم حتى في الاشياء الي هما اصلن مايسوها
يعني احنا زي الاغبياء نشوف بس ونقلد
<<<<<< خارج النص>>> في وحده من صحباتي سوت حلق في لسانها سألتها قلتلها ليش حاطتو
قالتلي لاني لما رحت امريكا شفت البنات حاطينو ومو اي بنات ... بنات الشوارع على قولتنا ...((بنات الهوى))
قلتلها يعني انت بنت شوارع ... قالت لو كل بنات الشوارع زي الي عندهم في امريكا انا مستعده اكون بنت شوارع ,,,,,,, تخيلو التفكير المنحط فين وصل ...... بصراحه لا تعليق
سوكره
الله يعطيكي العافيه على موضوع زي كدا مهم مررررررره لانو من جد دي الحكايه صارت مره كتيره
في كل مكان اشوف صوره دول اناس مافي وحده من صحباتي حاطه صوره في المسنجر الاوهي حاطه ايمو
يعطيكي العافيه وجزاك الله خير ...
تقبلي مروري
|