صوره غريبه جدا (جندي امريكي محتظن طفل عراقي ويبكي ) لكن الطفل؟؟؟
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الصورة دي وقفتني قدامها كتير ...يا ترى العسكري الأمريكي ده بيعيط ليه ..وهو ماسك الطفل العراقي ده اللي مات في احدى الغارات الأمريكية ؟؟ يا ترى كان حاسس بأيه ساعتها يا ترى كان شعوره إيه وهو شايف إنه بين يوم وليلة تحول لقاتل وسط جيش من القتلة بيخرب بلاد لا هي حاربتهم ولا وقفت قصادهم ؟
صعب جدا انك تفضل ماشي في طريق غير الطريق اللي كنت راسمه لنفسك ...صعب جدا تعمل كل شيء انت كارهه صعب جدا تقتل وانت بتحب الحياة ..صعب جدا تكره وانت ما بتحبش غير كل الخير للناس ...
يا ترى كام إنسان في الدنيا دي صحى ولقى نفسه كده بقى في يوم وليلة ..انكتب يعيش حياته قاتل و سفاك دماء رغم انه من جواه انسان طيب
مستني تعليقاتكم
مع تحياتي