سر يا قلم واكتب معانـات مجـروح
مجـروح قلـب وزاد همـه عـذابـه
ما له جدا يا كود يكتب علـى اللـوح
حروف حب(ن) ترجمـت مـن كتابـه
مترجمه بإحساس من داخـل الـروح
روح(ن) بها حـب الحبيـب لأجابـه
اسمه ورسمه داخل القلب ما يـروح
اسـم الحبيـب نبـض قلبـي جرابـه
ولا اللوم قلبي لو بـدا سـره يبـوح
صابـر ثـلاث سنيـن ممـا أصابـه
والدمع من عيني على خـدي يسـوح
يامـا مسحـت الدمـع بيـن القرابـه
فكري تحير من عناء الوقت ما أروح
ولقبـل سـواد الليـل همـه سرابـه
دون الحبيب قالـوا العلـم مطـروح
وان قلـت هـاوي زودوهـا طلابـه
قالوا ولـد عمـه ولا عنـه بيـروح
بابا(ن) أنقفل بالوجـه يـوم ألخطابـه
من قولهم حسيت ان الروح بتـراوح
واللي بوسط الجوف ما أحدا(ن) درابه
قضيت وقتي عندهم ضحك ومـزوح
والعالـم الله ويـش قلـبـي غـدابـه
زادت جروحي جرح من قول لاتروح
المـوت شفتـه يـوم ودعـت بـابـه
وهذا بقايا حب فـي قلـب مجـروح
سطر وعبـر جـرح مـا بـه كتابـه
مــ