إن كان تحسب عزتي تحت أياديك ....علم غرورك عزتي مالها حد

وإن كنت بايعني وأنا قبل شاريك....اليوم أبيعك وأقطع الوصل وأصد

لاتنخدع في كلمتي ياهلا فيك ....ولاتنخدع لو قلت حبك تجدد

أول ترى بالهجر ماني بناويك....مستبعد إنك تنكر الحب والود

لين إنكشف قصدك وبانت مواريك....طعنتني والغدر من صوبك إشتد

كم قلت لك مليون مره ترى أفديك ....لاكن حسافه غلطتك دوم تجحد

وكم قلت لك إحذر من إني أجافيك....لاتزيد غلطاتك ترى الحال منهد