اليـــوم ماتت دنيتي واظلـــم البــوح
والحــبر يرسم حزنها اللي لفانـي
تنزف عيوني والألـــم ساقـه النــوح
والروح ذابت عشقها اليوم فانــي
حيره وغيره وسلـــطنة حزن وجروح
صارت عيونك يامها لشخص هاني
لاصرتي انتي بقصر عالي له اصروح
وبنتــــين حولـكــ ينشدون التهاني
احـــس كنـــي فاقد آمــال وطمــوح
واحـــس كني بين الآهــات جـانـي
هـــذا الهــوى جنـــات ياناس ومـزوح
ومــرات كنه غافل المــوت دانــي
الله يعلـــم وش بقــى لـي من اللــوح
والله يعلــم كم غـــدربي زمـــانـي
مســـموح ياللي ماخذ القلب مســموح
ارحل وسافر واترك الشعر ضــاني
بصبر وكابر وارتجـي راحــة الـروح
ويمــكن عيونــي تهتني النوم ثانــي