ابقول لكم قصتي بس ماهي كذب << افلقني
استعدوا <<< شمر عن ساعديه
انا قبل كم اسبوع كنت في رحلة مقناص عاد لو اقول لكم من كان معي مراح تصدقون اصحابي من دول العالم اول واحد توم كروز والثاني رونالديو والثالث سيلفيستر استالون (رامبو) طبعا كانت رحلتنا بالصمان وكنا نصيد غزلان وارانب مالكم بطولت الكلام نصبنا خيمتنا وذبحنا الذبيحه وشبينا نارنا وجالسين نطبخ العشاء طبعا العشاء كان مشاوي ااممم على ريحة الشوي شوي ونسمع صوت ناس تطلب المساعده يقولون هيلب هيــلب توم كزرزو الرخمه انحاش ماندري وين رامبو صابته ام الركب رونالدينو مسوينفسه نايم ويشخر مابقى الا انا واقوامواخذ معي عجراء من باب الاحتياط واروح لم الصوت واحصل عائله لبنانيه مغرسين وملتم عليهم اسد ونمر وضبع وثلاث ذياب وانا اصيح ذيك الصيحه اللي عند الله خبرها وهو ينحاش الذياب والضبع باقي الاسد والنمر واجي لمهم اهبد النمر بالعجراء على راسه اللين انكسرة ويدوخ النمر ويقول لي ايش فيك منسم تضربني كذا كنت ابموت وانا امسكه من شنباته والف فيه واهبده بالارض وانزل ابقس وجهه اللين مات شوي الا الاسد يناظرني وعيونه يطلع منها شرار وناوي لي على الشر وانا اللي اسوي نفسي تعبت عشان اخمه واضحك عليه وهو يقرب مني خطوه خطوه اللين صرت قدامه وانا بحركه خطافيه امسكه من شوشته واجلس اعطيه راس اللين صار احول وانا اشيله واوي له حركة سوفليكس خلفي اللين انكسر ظهره واجيب السكين اذبحه طبعا العائله اللبنانيه يتابعون الهوشه من اولها لاخرها معهم ولد كان يصور الهوشه بالجوال وانا اخذ المقطع منه وامسحه زعل علي وقال لشو بتعمل معي هيك قلت ياخوي نا اخاف من العين ومابي الشهره وجلسوا يتشكروني وانا اقووم واساعدهم واطلع لهم الموتر وسئلتهم شو اللي جابكم هنا وانتم مالكم بالبر قالوا كنا نبي نطلع الفقع نسمع عنه بلبنان ومابنعرفه وانا ادلهم على ماكان الفقع وارجع للمخيم واحصل الشباب جالسين يتقهون ويضحكون وانا ازعل عليهم واخذ اغراضي واقول لهم الشهرهه مو عليكم على اللي خاويكم وهم يترجوني ويقولون سامحنا وانا مطنش وامسح ارقامهم من جوالي قدامهم واقو وربي لوتدقون علي لاتوطى ببطونكم هذي قصتي واذا موب مصدقين روحوا للبناني اللي صورني وشوفوا مقطع البلوتوث
وسلامتكم