بسم الله الرحمن الرحيم .. والسلام عليكم ورحمة الله وبركاته ,, بقول قصة صارت هنا بذا المنتدى وانا متابعتها من .. الى الابطـآل .. صعب تفهمني .. بياعة ورد .. آكـل طماط .. تشكيـلي أبكيلك .. والشخصية الاساسية ما راح اذكر اسمها لان مالها اسم محدد < تفهمون اذا قريتوا .. شخصيات لها دور بالقصة .. طموـوح .. دنياك دنياي .. سووكرة .. هيبة ملك .. القصة .. كـآن يا مكان في قريب الزمان قبل شهور و ايام كان فيه وحدة اسمهـآ ( كلي معك ) .. وكانت أخت دنياك دنياي .. سجلت بمنتدى تشكيلي ابكيلك .. ومن سجّلت بهالمنتدى وهم مبهذلينها ,, يا يهزأونها يا يغلقون مواضيعها .. يا يقلون لها ما نحبك البنت وش ملحها على بالها انهم يمزحون ما درت انهم صادقين الا بعد ما صار اللي صار وش اللي صار يا ترى .. نعرف بعد الفاصل تريونا .. هذا البرنامج برعاية : طعم رفيع لا حدود له مع .. بيبسي .. .. الاتصالات السعودية .. معكم و بكم أفضل ,, .. عُدنـآ .. .. كانت ذاك اليوم فرحــآنه مآآرة وقاعدة تنسق الموضوع واعتمدته من هنا .. رساله خاصة من هنا .. < البنت توها جديدة من بيرسل لها رسالة من هيبة ملك وش يبغى << قلت يمكن بيسال عن شي والاش .. << وينقطع حبل افكاري لان الرساله اغلاق موضوع << مشيتها قلت اكيد مكرر او اي شي < العب على نفسي لانه جديد اصلا جل تعبي فيه وآخرتها الارشيف مرّت الايام ونسيت الموضوع خلاص شوي الا ودي انزل موضوع ثاني قلت يالله واروح انسق وارتب واصلح واتعب فيه ,و أعتمده .. شوي الا رساله برضوو من هيبة ملك قلت وش يبي ذا ادخلها الا هي رساله اغلاق كرهت الرسايل صراحة .. بس سكت بعد قلت ما عادنيب منزلة مواضيع بـ ارد و بس .. وقعدت ارد وكوذا وفي حين غفلة من امري جتني رسالة قلت الآآآآهـ رساله < فرحت لاني متاكدة انها ميب حذف ولا اغلاق < ما حطيت موضوع الرسالة من سوكرة .. افتحها الا هي حذف رد قلت وش عندهم ذولي قاعدين لي ع الوحدة ما ناقشتهم ولااش سكت.. ولا اشتكيت عند المدير .. فكرت كلي معك تغير اسمها لـ (قمراي) .. يمكنهم متسلطين وان غيرته محد داري عنها .. بما انها توها جديدة ومحد ملاحظ .. قامت ارسلت لتشكيلي ابكيلك .. قام هو قال لا ما فيه بسميك على كيفي < هي خافت وش ذا المدير < بس قالت ذوقه حلو بيختار لي اسم زين .. قالت طيب غير على كيفك .. شوي الا اسمها ( مجنونة خالد ) قالت له وش ذا ووو وهو رافض قطعا النقاش < هي رضت بالامر الواقع وسكتت بس الاعضاء مااش مفكرين خالد غلط .. ما يدرون انه خالد عبدالرحمن على بالهم خالد واحد من الربع < المهم .. قامت تحط واسطات عشان يغير اسمها وتروح لـ(صعب تفهمني ) وتشكيلها الحال قامت صعوبة رحمتها وقالت خلاص بقول له يمكن يوافق .. شوي جتني قالت معليش اعذريني بس المدير عيّـآ يغيرهـ < قلت لها لآ بأس يا أختآهـ .. وطموح ودنياك يضحكون علي < لم أيأس و قعدت اشوف المدير مع مين اكثر شي يسولف عشان اخليه واسطه لي لكن ماش هو مع الكل زي بعض الا انا رحت لطموح .. قلت لها توسطي لي يغير اسمي .. قالت لا منيب فاضية يطيح وجهي عشانك < قلت لها خلاص كلشش ولا وجهك الصبوحي ورمشك المسبّل واروح لاختي دنياك دنياي ووتوني بقول لها قالت وخري بس ما اتوسط لمبزرة < قلت لها هذا وانا اختك من لحمك و دمك < حنت علي قالت خلاص حلو اسمك بس وخري خل نضحك عليك انا وطموح رحمتني (بياعة ورد ) قالت خلاص مقنووونه انا اتوسط لك بس تقولين لي سر <- موب وقتها هي واسرارها .. لكني وافقت .. قلت لها اقول لك كلشش بس خل يغير اسمي قالت خلاص خليه علي .. وبعد يومين تجيني مُحبطة قلت وش فيك قالت قهر ما وافق < انا جيت بواسيها انه عادي ومدري ايش < لانها ضايق صدرها عشانه ما غير اسمي < قالت وخّري بس ضاق صدري لانك منتيب قايلة لي سر < هذا همها وانا على بالي عشاني .. < لم أيأس .. واتجهت لاآكل طماط قلت لها( آكل طماط) بعد عيني انتي فديتك والله قالت مقنوونه يا لبّى قلبك انتي آمري بس < فديتها والله هي اللي احبها اكثر شي < ما تهزاني ولاش وتحبني قلت لها ممكن تتوسطين لي .. قالت حياتي لك وروحي لك وكل اللي تبي كله < قلت لها احبك ما تكفيني وانا يا قلبي وعيني انا من كثر ما احبك قليلة لاجلك سنيني < قالت آمري يا بعدي وش بغيتي .. قلت بس قولي لتشكيلي يغير اسمي قالت غالي .. والطلب رخيص قلت وويــل حالي بس .. ان شا الله مما يردك قالت لا خليه علي بس قلت اوكي قالت اختاري اسم قلت اي شي منيب متشرطة ابي اي شششي < تعقدت فجأة صار اسمي آكل قرع اقوم اناقز واصارخ واصيح دموع فرح واروح تمطخ آكل طماط واعطيها صندقة طماط واعيش بهالاسم فرحانه يمكن اسبوعين كذا فجأة دخلت المنتدى الاقي اسمي مخاوية الليل قلت من ذي هل هذه انا قعدت انادي نفسي بكل الاسماء واللي بيرد علي هو انا < لاتلومونها انهبلت اقول كلي معك محد رد !! قلت مجنونة خالد محد رد !! قلت مقنونه وع ما نحبه محد رد قلت آكل قرع محد رد قلت مخاوية الليل قال جهازي لبيه قلت اخيراً لقيت نفسي < جتني هستيريا < يوم اني ابي اغير اسمي محد غيره لي ويوم تاقلمت ع الوضع صاروا يغيرونه كل شوي وهذاني الحين مخاوية الليل اي جديد يصير بعلمكم به .. < وترى نصف الاحداث تم حذفها اختصاراً للوقت و الجهد المبتذل من السيناريو والحوار ( الي هم انا ) .. بذكر رؤوس اقلام للي ما ذكرته اعلاهـ ( مواضيع المئات / مواضيع الصرقعة اللي دمجوها سوا / ..الخ ) تمت .. هومن اغلقوها اغلق روسكم معها