أنا ومنتدى تشكيلي ..

اضيفت بتاريخ 02-15-2008 الساعه 03:11 AM بواسطة تشكيليے أبكيلكے

تشكيلي : ودي اطلع من البيت مليت ..
الوالده : لا ياوليدي يضرك تحمل هالايام لين يفرجها ربك..
تشكيلي : خلاص اجل ابدخل الانترنت ..
الوالده : شف الي يريحك بس لا تدخله الا في الليل او الصبح حتى اذا دق احد مايطلع مشغول ..
::
::

مرت الايام وكل يوم ادخل مواقع اخبار
وكنت كثير اقرأ في موقع الساحات العربية ..

شائت الاقدار ووصلتني لمنتدى عجبني ..
وكنت ماادخل الا لاجل الاخبار والسياسه .
لين قررت واشتركت ..
من الملل جلست اتصفح الاقسام .
وطحت على قسم الالعاب ..
ماكنت احسب له حساب
دخلته وتفاجأت لان فيه تواصل مباشر مع الاعضاء
بعيدا عن الكلمات الي اسمعها ( مشكور ويسلمو ويعطيك العافيه على الموضوع )

عجبتني الفكره ..
رد وردين وادمنتها ..
تعرفت على الاعضاء وحبيت النت ..
مرت الايام وكنت اتعلم شوي شوي ..
وكان في ذاك المنتدى ميس المدينه ..
كانت مشغلها كل شوي اسـألها كيف اقتبس وكيف ارد ومن الكلام ..
وكنت وقتها اسمع بشي اسمه ماسنجر
حاولت لين تعلمت للماسنجر وكيفية الدخول له ..
لكن حصلت امور وخلتني اترك ذاك المنتدى بلا رجعه ..
وأستقر بمنتدى كان توه جديد

تفاعلت فيه وكانت اكثر مواضيعي من جهدي ..
كنت اطمح ان اكون مشرف ..
وكنت اتعب في موضوع وابغى الاداره تحس فيني فأرسل اقول لها ياليت تعدلون الموضوع ..
كنت ابغاهم يقرونه ابغاه يثبت ..
ولكن ماشفت لا اهتمام ولا شي ..
ولا فكروا يحطوني مشرف ..
فقلت يمكن اذا كثرت المشاركات اصير مشرف ..
فكثرتها ولا فاد شي كان يختارون اعضاء اقل مني ..

وماصبرني على المنتدى الا الاعضاء
لاني حبيتهم وتعلقت فيهم ..
عندها غسلت يدي عن هذا المنتدى ..
فقلت مشاركاتي فيه ..
فقررت اجرب اشارك في منتدى جديد ..
سجلت فيه وأشتركت ..
تعمقت فيه ..
وتعرفت على الاعضاء ..
لكن فجأه ادخل المنتدى وأحصلهم طارديني ..؟
ليش طيب انا وش سويت ..

شي يقهر
مسحوا كل شي لي
أنهوني خلوني ولا كنت فيه
ماغلطت على احد وكنت احترمهم وانطرد
هل عمركم جربتم ان احد يطردكم ..
حاولت اكلمهم
دخلت بعضويه ثانيه ابي افهم الموضوع
وارسلت للمدير
وطردني مره ثانيه
عندها
كرهت المنتديات
الباب الي يجيك منه ريح سده واستريح ..
فكنت فقط ادخل المسنجر واسولف ..
فمره رجعت لمنتداي القديم
فصلت رساله خاصه من ميس المدينه
ورابط موقع تشكيلي أبكيلك ..
دخلته وحصلته توه جديد مافيه اعضاء كان عدد الاعضاء 4 اعضاء بس ..
فعرضت عليها اساعدها ..
\فعطتني كل بيانات المنتدى والموقع كله ..
فعندها بس حسيت اني في المكان الصحيح
لاني راح اضمن اني ماراح احد يطردني
وانا الي احدد المشرفين ..
وكنت احب اغير بالوان الاعضاء ,,
فعزت اني اعتكف لاعرف كل شي عن المنتديات وكيفية ادارتها
فأصبح يومي كله بين الاكواد والهاكات
وكل يوم اتعلم حاجه جديده ..
فحاولت اجيب دعم فني وحصلتهم غالين
فقررت انا اكون الدعم الفني
كانت اول الايام ادخل واحصل عدد المتواجدين واحد
كنت اقول هل معقوله راح يكون فيه اعضاء
وكيف راح يجون
كنت اصحى من النوم وعلى طول للابتوب ..
ادخل اطالع الاعضاء الجدد
وقلبي يخفق وكلي شوق
ولا اجد اعضاء ولا حاجه مجرد انا فقط

طورت قدراتي ..
ولاحظت الاعضاء كل يوم يزيدون ..
ففكرت يكون للمنتدى تصميم خاص ..
بحثت فوجدت التصاميم مكرره وسعرها يفوق الالف ريال
فعزمت اني اصمم انا الستايل واغرق نفسي بالاكواد ووجع الراس
مرت الايام لين صممت الستايل البني ..
كنت مبسوط فيه لاني انا من صممه وانا من ركبه
يتطور الموقع يوم بعد يوم ..
وأركب شبكه للمنتدى
فيها البوم صور وغيرها من المميزات ..
وفي الاخير صممت الستايل الاخير وراح نطول فيه ..

ومازال لتميز بقيه

التعليقات 22

مجموع التعليقات 22

أخـوي تشكيلي

بصراحـه في شخصيتك جاذبيه جميلــه تفوق الوصف

والحمد لله أنك عرفت تستخــدم طاقتك وعزيمتك في شيء نافـع

و منتدى تشكيلي ومافيــه من الفائــده و التسليه وتعلقنـا بـه

هـو بفضل الله ثم فضلك .. على قـد ما سجلت في منتديات

وشـاركت ما شفت مثلـك لا في إدارة منتدى ولا في نفس الآعضـاء

ما أعــرف أيـش أقــول لك بــجد .. لكن أنت إنسان مميز

و تستحـق كـل خـير

وربي يـوفـقـنـا و يــــاك

اضيفت بتاريخ 02-15-2008 الساعه 03:57 AM بواسطة بــدر بــدر غير متواجد حالياً

	كلماتي تعجز عن وصفك ,, تشكيلي .. عنوان للتميز
	اضيفت بتاريخ 02-15-2008 الساعه 12:43 PM بواسطة سـنـدريـلا

	هه ؟؟ من اللي طردك ياتشكيلي .. صدز إن ماعنده ذوق اهم شي الاخلاق وانا اختك وهذا انت عندك منتدى وانا من اعضائه << على اساس قمة التميز :خشه تضحك: من إبداع لإبداع ومن تطور لتطور عقبال ماينافس قوقل
	اضيفت بتاريخ 02-15-2008 الساعه 09:21 PM بواسطة آحلـﮯ غمآزهـ ..}

	طردوك ؟ بس تمام .. كمبليت .. تابع.. وحنا نتابع معاك.. وكلنا حماس ..
	اضيفت بتاريخ 02-15-2008 الساعه 09:40 PM بواسطة توفي لك


	اضيفت بتاريخ 02-15-2008 الساعه 11:43 PM بواسطة عنودهـ

	وه بس تش تش طردوك والل ماعندهم سالفه احد يلقى عضو مثلك ويطردونك من جد مافيه احد يقدر وه بس ياتش تش وربي هم الخسراني ويله من تطور لاكثر تش تش انش الله : ) ولكلنــا يداً بيد لرقي المنتدى تحياتيـ قلب
	اضيفت بتاريخ 02-16-2008 الساعه 09:36 PM بواسطة قلب تشكيليـ أبكيلكـ

	تشكيلى.. يعجبنى فيك اردتك وتصميمك وطموحك.. انت بحق متميز فى شتى امورك..وفى شخصيتك.. واصلى والله معاكى<--وش تين الحين دمت لنا يامتميز
	اضيفت بتاريخ 02-17-2008 الساعه 03:21 AM بواسطة DaNTaiL

بدر كلامك والله وسام بصدري ..
مااقدر اوفيك حقك

ــــــــــــــــــــــــــــــــــــــــــ
ساندريلا
مشكوووره والله على الكلامك الحلوو ماتقصري
ــــــــــــــــــــــــــــــــــــــ
اكل طمااط مشكووره والله
اما الي طردني

خليها على الله جاروا علي

والحين صراحه مادريت عنهم والله

واكيد نوورتي المنتدى

ـــــــــــــــــــــــــــــــــــــــــــــ

توفي لك
مشكووره والله
اكيد راح اتابع وتشوفين الي يسرك
ـــــــــــــــــــــــــــــــــــــــ

عنووده

ــــــــــــــــــــــــــــــ
قلووبه
يعطيك العافيه ماتقصرين
اكيد الأداره الي طردتني مو مثلك والله

ــــــــــــــــــــــــــــــــــــــ

سوكره كلماتك افتخر بها والله

وايش واصلي تراي ولد

يعطيكم العافيه

اضيفت بتاريخ 02-17-2008 الساعه 09:06 AM بواسطة تشكيليے أبكيلكے تشكيليے أبكيلكے غير متواجد حالياً

	تشكيلي الله يوفقكـ في دنياكـ بصراحة المنتدى لولا الله ولولاكـ موقف مثل هالوقفهـ واللي طردكـ ,., عزالله ما يدبر الادارة ,., تحياتي
	اضيفت بتاريخ 02-18-2008 الساعه 08:27 AM بواسطة هيبة ملكـ

	قـــــــــــــــــمه " " يا غاليــ
	اضيفت بتاريخ 02-20-2008 الساعه 06:45 PM بواسطة إحســـاسي

>>كشششخه

ابي مثلك

>>وقتها ذي

ذوليك المنتديين مالهم داعي والله

بس ماشاء الله هالمنتدى تعبت عليه ومجهودك واضح تستحق الشكر واللهي

تصدق عااد الحين هالمنتدى اكثر منتدى ادخله

مدري احس اني ارتحت فيه ..

عموماً عقبال ما يتطور زياده وزياده بس لو زادوا اعضائه يمكن اكرهه

ماشاء الله عليك طموح ومثابره

ياليتك بعد تثابر بدراستك >>وش تبي ذي

للاماااااااااااااام سر

اضيفت بتاريخ 02-21-2008 الساعه 07:13 AM بواسطة طموووح طموووح غير متواجد حالياً

في بدااياتنا قد نوااجه صعووباات نتعثر في طريق ممدوود
لآنعلم نهااايته نسير به حتى نصل الى النهاايات فعندمآ
نصل نجد انفسنا قد حققنا مانريد راائع ذالك الشعوور نبحث عنه
جميعنا ليس من الخطأ ان نتعثر ونخطئ ولآكن من الخطأ
ان نتعثر في نفس الحصى مرتين ’’

تشكيــليــ ’’

دمتـ في توفيق وسعاادهـ في كل خطوهـ خطوتهآ واصل بهآ الى درب النجااح ’’’

وفقك الله ,

ودي ’

بيااعة ورد

اضيفت بتاريخ 02-22-2008 الساعه 11:10 AM بواسطة عذب الهوى عذب الهوى غير متواجد حالياً

أخوي تشكيلي...بصراحة أنا من أشد المعجبين بهالمنتدى مو بس عشان شكله راااائع وتصميمه راقي لا عشان الروح الحلوة اللي بين الأعضاء والتفتح الموجود بينكم ضمن حدود الأدب ...بلأضافة أسجل إعجابي بشخصيتك...الله يعطيك العافية ومنها لأعلي يا رب...
بنت الكويت.

اضيفت بتاريخ 03-05-2008 الساعه 08:39 PM بواسطة Bent_alq8 Bent_alq8 غير متواجد حالياً

	يووووه ,,, والله ماعندهم سالفه يطردووونك ووش يبووون أنت والله أنكـ تستااهل كل خييير وأسلووبك وشخصيتك تجنن خليك كذا على طووول والمنتدى يجنن ولازم أدخله كل يووم علطوول حبيته وحبيت اللي فيه يعطيك الف عااافيه ,,,,
	اضيفت بتاريخ 03-07-2008 الساعه 03:18 PM بواسطة جووودي

	ممشـآء الله عليك الصراحه .. صبرت ونلت تستحق التصفيـــــق طويــلا الصراحه أكثر المنتديات تطورا تشكيلي من اللي ادخلها الله يوفقك ..سر الى الامام
	اضيفت بتاريخ 03-14-2008 الساعه 06:37 AM بواسطة صعــب تفهمنــي

فسحووو وسعووو الطريق لمخاويه => جت النشبه بتسوي زحمه بهالمكان

بالعكس زين اطردوووك ولا الله ثم الطرده هذي ماكنت سويت هالمنتدى السووووووبر

امـــا ابووووووكـ له فضل كبير لنــجــاحكـ وخوووفه عليك جاب نتيجه رائعه

الوالده : شف الي يريحك بس لا تدخله الا في الليل او الصبح حتى اذا دق احد مايطلع مشغول .. على نيـــاتــهـ ابووووك مايدري انك داهيه

بس بصــراحــهـ ماتستاهل تنطرد من جد معــانــاة تحــس كـنــكـ مسويلهم جريمه وذابحلك احد او مرتكب ذنبــ مايدرووون انــكـ لاتهش ولا تنش

وعليــا عليــكـ

اقوووووووول عزوز مافكرتــــ تدخل بسم ثاني وترسلهم الرابــطـ حر قلبهم ورهم انك منت سهل

بس ماوصيك حــمل المنتــدى مضــاداتـــ عشــان مايخــتــرقوووونه هاللي مايخافون اللــهـ

اقووول عزوووووووزي => اصغر عيالكك انا

اقـــصــد تشك شك => قوووولي

اكـــتــشــفــتـــــــ اكــتــشـــــاف => احلفي

انــكـــ موهوووووووب ودلوووع امك وابوووووك => بتنجلد

لا قصدي يخــاف عليكـ => ايه اشوا على بالي

اضيفت بتاريخ 03-22-2008 الساعه 07:09 PM بواسطة مخاويه دلوخ مخاويه دلوخ غير متواجد حالياً

	هههههههههههههههههه ما شا الله بالتوفيق الدايم اخوي تشكيلي وربي انه احسن مقال قريته واروع منتدى وان شا الله القادم افضل وانا كنت احسب المنتدى لك لانه بصراحه كفيت ووفيت جزاك الله الجنة
	اضيفت بتاريخ 04-16-2008 الساعه 07:02 AM بواسطة m.a.h.a

	تشكيلي الأنسان الرآئع.. فعلاااا المنتدى مميز بكل شئ ومااجاامل أذاا قلت حتى المدير متميز.. الله يقوويــــك ومن أرتقـاء لأرتقااء.. وبطمووحك الكل يأكد ان المنتدى بيصر من أحسن المنتدياات.. يعاافيك ربي..
	اضيفت بتاريخ 04-20-2008 الساعه 12:10 AM بواسطة العسل كله..!!

وي وي
مالت عليهم يطردونك من المنتدى

لانهم ماعرفو قيمتك

بس الحمد الله صبرت ونلت

وطلعت بمنتدى من افضل المنتديات
بصراحه قمه من مدير <<<اللي هو انت

<<هع هع
واعضاء يهبلووووووون
ومترابطين كأسره وحده
وانا من اشد المعجبين لهذا المنتدى
صار من اول اهتماماتي غير عن باقي المنتديات
الله يوفقك يارب ويرتقي من افضل الا افضل
سير ونحن وراك <<<<براااا

اضيفت بتاريخ 05-05-2008 الساعه 08:23 AM بواسطة غربة الروح غربة الروح غير متواجد حالياً