--------------------------------------------------------------------------------
السسلآم عليكم ورحمه الله
كيفكم انشــــآآء الله تمــــأم
هذي القصيده لعـــزوبي تعذب من كثر ما يطالع في البنــــات
انـــا الـعـزوبـي واتـقـطــع تـقـطــاع ,, عـلـى زواج البـنـت تـدمـع عيـونـي
انـا العزوبـي ويـن مـارحـت مـرتـاع ,, زيــن الـعـذارى يـالـعـرب جنـنـونـي
اشوفهـم فـي كــل روحــه ومـرجـاع ,, مــن حـيـث ماولـيـت هــم عذبـونـي
فالبيـت فالتلـفـاز والـصـوت مـذيـاع ,, حـتـى الـعـمـل يـانــاس مافـارقـونـي
وليـا نويـت السـوق نـاوي تبـضـاع ,, اروح وارجـع منخطـف حيـل لـونـي
ارجـع وقلبـي حايـسٍ بيـن الاضـلاع ,, مـــن زود دقـاتــه تـخـلّـع امـتـونــي
الـلــي تـغـنـج فـالـمـشـي بـالـتــدلاع ,, والـلـي تناظـرنـي بـطـرفـن فـتـونـي
وام العيـون السـود والرمـش قـطـاع ,, وام الـجـدايـل والـكـحـل بالـجـفـونـي
وام النقـاب اللـي تمصـعـك تمـصـاع ,, قــدام عـيـنـي والـبـشـر يشـهـدونـي
كنـهـا تمـتـع فـــي عـذابــي تـمـتـاع ,, وانا العزوبـي كـان ربـي فـي عونـي
واهل الجنوز الضيقه واهل الاوساع ,, مـدري وش اللـي حـدهـم يلبسـونـي
منـهـم تجـرعـت الـمــراره تـجــراع ,, فـي كــل يــوم ازيــد هــمّ وحـزونـي
لـو نطلـع المريـخ فـي لحظـه وسـاع ,, نـلـقـى الـعـوايـل قبـلـنـا يطـلـعـونـي
من بعد طرح وجمع وهموم وصـراع ,, قررت انا اخطب بنت وانهي ظنونـي
وفي ليلة الفرحـه تقـول انـي مرتـاع ,, ومـن زود مافيـنـي تـراقـل سنـونـي
ابـوهـا قــال الـيـوم مـانــي بـطـمـاع ,, عنـدي شروطـن للمهـر واعذرونـي
يقـوم يوحـي لـي ويـشـر بالاصـبـاع ,, يبـغـي المـهـر ميتـيـن او يكثـرونـي
يقول يبغى العرس في قصور واقلاع ,, ونبغـى ذهـب لام العـروس المزونـي
ونبغى الحلا والكيك من كـل الانـواع ,, تــبـــون والا يـاعــســا مـاتـبـونــي
ناس ٍ تحسب البنـت شـروه ومبيـاع ,, تبـي المكـاسـب لــو تـزيـد الديـونـي
ماهمـهـم لــو زاد هـمـي والاوجـــاع ,, ماهـمـهـم يـاكــود مـلــي الـبـطـونـي
يـامـؤمـنـن بالله ســاجــد وركـــــاع ,, بنـتـك أمـانـه حــاذر انـــك تـخـونـي
لا تعنـس ابنيتـك فـي سّبـت اشـبـاع ,, نفسـك وجـمـع افـلـوس ماينفعـونـي
بكـره لـيـا جـتـك المنـيـه والاوجــاع ,, تـنــدم ولا ينـفـعـك دمـــع العـيـونـي
الخيمـه اللـي دون عمـدان وشــراع ,, يمـكـن تطيـرهـا الهـبـايـب بـهـونـي
انـــا الـعـزوبـي واتـسـكـع تـسـكــاع ,, تـكـفـون بالله يـالـعــرب زوجــونــي
وسلامتكم
منقول,,,
تحيااااتي توووفه...
03-16-2008
العزوبي والبنااات...... 
