هذا ماحدث في الرياض!!!!!!
________________________________________
هذا ماحدث في يوم الخميس لبنات في حي العليا !!!
هذي قصه حصلت يوم الخميس الماضي
لبنات في حي العليا
فاطلبو لهم الرحمه:
طبعاً ببدي لكم القصه
وهذي على فكره منقولة على لسان بنت من بنات الرياض
تقوووووول>>>> كنت في منطقة العليا بمدينـة الرياض وكنت على موعـد مع صديقي على العادة كل اربعاء
يمـرني بعـد صلاة العشاء نتمشى الى الساعة عشر ونتعشى وبعـد العشى نمر نستأجر افلام ونروح البيت ونسهر
عليهم الى صلاة الفجر وفي هذا اليوم اختلف البرنامج تماماً مرني صديقي وطلعنـا وسـوالف وقـال بمر المملكة
والفيصليـة اللي هي قـريبة شـارع التحلية قـلـت لـه لا تروح هناك قـال يا رجال نتفرج لاحول قـلت اليوم اربعاء
وزحمة واكيد فـيـه هيئة قال وش علينا كل العالـم تروح المهـم رحنا دخلـنا السوق وكان مزحوم وكانت الهـيـئـة
موجـوده وبشكل كبيرة اكـثر من سـيارة المهـم أخـذنـا لـفـه وحدة وكان قـلبي مـش مرتاح قـلت فـيه شي او راح
يصير لـنـا شي وانـا من الـنـوع أحس اذا فـيه شي ودايـم سبحان الله يطلع احساسي صحيح المهم وحنا في اللفه
الثانية رحنا مع شـارع كله محلات راقـيـة وهـناك لقينا سيارتين للهئية واقـفين متخفـين بعيد وكأنهـم يراقـبون احد
المهـم قـلت لخويي قـلبي قابضني فـيه شي بيصير لا تترك الشارع هذا خذ لـفه ثانية المهم وحنا في اللفه الـثانـية
الا الشارع فـيـه زحمة وصـوت كلام عالي ومانشـوف شي سـيارات زحمة والسيارات واقـفـه قـلـت افـتـح الباب
واوقف المهم فتحت الباب ووقـفـت لقيت واحد من الهيئة يصارخ على اربع بنـات ووحدة منهم هي اللي تصارخ
عليه وتتكلم معاه وشوي وهـو يـقـول لها ما اقـدر امـد يدي عليك خليها تجي بالطيبه وهي تقـول انت خليت فيها
طيبة المهـم قـال شغـلك معاي قـالـت له البنت اسـبق خيـول ابـوك اركبـه واذا انت رجال الحقـني المهـم ركبـوو
السيارة وهو يـقـول لأخوياة وراهم ولا تتركونهـم وقـمنا حنا لفينا يمين ورحنا نتفـرج طلعت السيارات اللي شافت
الزحمه وانطلقت السيارة اللي فيها بنات ومسرعين على شارع التخصصي ووراهم سيارتين حقت الهيئة وحنا
ومعانا سيارات زحمة نلحقهم المهم السيارات في سرعة عالية مـرة وهـنا يبان لـنـا انـها مطاردة ياساتر على
السـرعة وانـا خـويي ال*** اقـول هـدي السـرعـة وانـا خايف من جـد لان صديقي اندمج وهو يلحق
السيارات وانا يا فلان اتركهم وش علينا منهم وهو هذا تخصصه يحب يشوف علشان العالم كلها تدري
صاير(واس) المهم وحنا وراهم وجاء الدوار الكبير حق الثمامة وكل السيارات مسرعـين والسيارة
اللي فيها البنات اول سيارة في المطاردة وشـوي وفي الـدوار يالله سـرعة جنونية وسيارة الهيئـة
وراهم نفس السرعه وقرر يجي جمبهم سواق البنات تفجئ من جد وشوي الا هـو فـوق الـدوار
وتنقلب سيارة البنات ومن جمب الدوار وتنقلب وتطلع من الجهة الثانية وهنا في بنت من قوة
الانقلاب طلعت من السيارة بدون عباء واخيرا وقفت السيارة بعد اربع قلبات وسيارة الهيئة
صدم في الدوار ولا انقلب وانا هنا وقف شعر راسي وجاتني مثل الدوخه وخويي وقـف
سيارته نزل قلبه قوي وانا قلبي قوي بس منظر البنت سبب لي مشكلة لمدة سنة تقريباً
اذا ذكرت الموقف المهم شوي ونزلت ورى صديقي وعااااااالم واقفين واللي يسوق
سيارة الهئية واقـف منبهـر يبكي وحاط يدينه على راسه وبعض الشباب جـزاهـم
الله خير يبون يشيـلـون البنات قـمت انا وكم واحد غطيناهـم ما ندري هـم أحياء
أمـوات وبالصدفـه نزل واحد كان مع زوجته وولـد صغير طلع دكتور وجاء
مسرع وبـقـلب قـوي وقـام يكشف على وحده وحـدة ويمسك يدها ومن بنت
الى بنـت واخـر شي راح للبنت للي طلعت اثناء الانقـلاب وقـام من عند
البنت ووقـف الـدكتور والـعـالـم كلها تناظر فـيـه ونزل راسه قـال الله
يرحمهم هـنا العالم انبهـرت وترحمو عليهـم وقـمنا وغطيناهم بعض
ما كشف الدكتور وشـوي الا جاء واحـد يطالع في سـيارة البنات
يمين شمال وراح من هنا ومن هنا وراح وشاف رقـم اللـوحه
وقام يبكي قـال له واحد تعرفهـم قـال لا يقربوون لي قال له
تعوذ من الشيطان يمكنك غـلطان قـال لا يقـربوون لي
قال اكشف على وجيهـهـم قـام كشف على وجة بنت
بنت من وحدة الى حـدة
وعرفهـــــم
طلعو البنات الاربع :-
وحدة بنت السبيت
والثانية بنت الهاص
والثالثة بنت الديمن
والرابعة بنت الشيرياء
بنات ورقة اللعب حقت البلوت
تعيشوووون وتاكلوووون غيرها ولاتزعلوووون علي ترى انا اكلت المقلب..
تقبلوا تحياتي

م
ن
ق
و
ل
..