القلب و القلم

عفسني هالقلم ..يرفض هدوئـي وأرفـض جنونـه=يصيح / أن اطلق قيدي (وكان سنحتـه ثايـر)!
مسكته بإصبع(ن) ترجف ..حشيـت الحبـر بمتونـه=وخطّيته علـى صفحـه بيـاض(ن) لونهـآ جاهـر
تناثـر بالـورق نزفـه ..غـدت بالـدم مدهونـه=وأنا مشدوه..مصدوم.. أصيح / شفيك يآسآتـر؟!
وراه مأشـرك أحمـر؟! وينـزف حبـرك شجونـه!=أخبره أزرق(ن) لونك!! عسى مآشر ؟ وش صآير ؟!
أيآ قلمي .. عجيب أمرك!!تخبي أسـرار مكنونـه؟!=وش اللي خبّص ألوانك بلـون(ن) أحمـر(ن) فآتـر
تـأوه بيـن أحضـآن الأصآبـع (آآآه مغبـونـ)=وقآل استقبل "وارد رسآله" قلـت / أنـا ناطـر !!
تحـرك بيـن دفآتـي .. لمحـت الخـوف بجفونـه!=تلملم يجمع أفكاره بوجـه(ن) خاطـف صآفـر !!
كتب لي / قوتي خآرت ..غدى عظمي بـه ليونـه !=زمانك مآينآسبنـي!! نجومـك مـآ لهـآ مسآمـر!!
رميته فوق صفحآتـي .. ووجهـي مختلـف لونـه=ودرات حولي الدنيآ .. ودمي مـن القهـر فآيـر!!
دحجته بقآسي نظراتـي ..تلآقـت عينـي بعيونـه=وقلت بلهجـه الأمـر: ترقـب منـي الصـآدر !!
لأن الطيـب متغـرب ..تـوراى بّـوه بطعـونـه=وخلّف شرذمه تعوي ..جميلـك عندهـم بآيـر !!
تمازجنا أنـا وأيـآه .. وأكسـب عطـري عفونـه=تفشى في مسآفآتي .. صحيـح إن الحـزن كافـر!!
دفـن كـل البـراءه داخلـي وأفـتّـر مخـزونـه=وحولني مجسم رآبض(ن) ينطـر رجـآء مسآفـر!!
تعب في دنيته يرجي (مـن الأخـر) حـد يصونـه=تعب يبكي وهو مسلوخ ...ينآدي هل مـن نآحـر؟!
يجـي لمـي يبعثرنـي .. بلـذه جـور مسكـونـه=يغير كل مفآهيمي .. طقوس الحـزن كالسآحـر ؟!
تريث يآلقلـم .. حكمـك عليّـه يغلـب ظنونـه=لأنك أصدق أشيآئـي .. لأنـك نزفـي الطاهـر !!
أبيك تكون عون(ن) لي ..أبيـك لكسوتـي بطونـه=أبيك مترجم إحسآسي وتهـدي مسلـك الحآيـر !!
ترآقـص هالقلـم بيـن الأصآبـع ..بيّـن سنونـه=ورقّق نبرته .. وأطلق حجاجه ..وأستولـى باهـر!!
تلـون بالمسـك لونـه ..تغيـر جـور قآنـونـه=ووثّق فرحتـه فينـي .. كأنـه صآيـم(ن) فاطـر!!
تجآوب مع خفوقي حيل ..يسأل قلبـي وشلونـه ؟!=يداعب مبسمي ضحكه .. يجـود بفرحـه الغامـر!!
وتخضـب وجهـه بالحمره..ونـادى العـز يآعونـه=أنشهد رآيتك بيضآء .. مثيلك يآ "نـدى" نـآدر !!
أنـا أسف..أنـا أسف..حروفـي حيـل ملسونـه=هلت إحسآسك الوراف.. وقلب(ن) معتلي عاطر !!
أيآ نزف القصيـد أسبـح وغـرق روح مزيونـه !!=جي مثل الندى .. مزنه .. كريمه .. جودهـا ماطـر
تغطرف خافقي وبله ... على مهلـه ..علـى هونـه=أسقآنـي حـروف القآفيـه فـي حّلـه الظافـر!!
طفيت بداخلـي جمـره ..دحرهـا الغيـم ومزونـه=فنت إحسآس متهآلك .. بعثت لخآطـري طآيـر !!
معه منـي رسآلـه .. صآغهـآ فـي قآلـب لحونـه=فآدهآ: جعل ربـي يهـب لـك سلـوه الخاطـر!!
صحى طفل الأمـل فـي نظرتـه أحـداق مفتونـه=فض عنه غبآر القبر ... ووجآنـي معتلـي زاهـر!!
يدغدني بشذى روحه .. نبذت العيشـه مـن دونـه=يآ طفل الأمل: كسبك /ينآفـس ثـروه التاجـر!!